प्रधानमन्त्री शाहको रोजाइमा अस्तामको अन्नपूर्ण इको भिलेज, ग्रामीण पर्यटनको नमुना बन्दै

पोखरा । पोखरा हुँदै मुस्ताङ जाने क्रममा प्रधानमन्त्री बालेन्द्र शाहले कास्कीको माछापुच्छ्रे गाउँपालिका–६, अस्तामस्थित अन्नपूर्ण इको भिलेज रिसोर्टलाई बासका लागि रोजेका छन्। पोखरा आएपछि अन्यत्र नरोकी उनी शुक्रबार दिउँसो अस्ताम पुगेका हुन्।

पोखराबाट करिब १५ किलोमिटर दूरीमा रहेको यो रिसोर्ट हेम्जाबाट भित्री सडक हुँदै पुगिन्छ। जंगलबीचको घुमाउरो कालोपत्रे सडक, शान्त वातावरण, हरियाली र हिमाली दृश्यका कारण अस्ताम पछिल्लो समय ग्रामीण तथा प्रकृति पर्यटनको आकर्षक गन्तव्यका रूपमा स्थापित हुँदै गएको छ।