मानवअधिकार आयोगको प्रतिवेदन कार्यान्वयन माग गरिएको रिट दरपिठ

काठमाडौं । सर्वोच्च अदालत प्रशासनले जेनजी आन्दोलनसम्बन्धी राष्ट्रिय मानवअधिकार आयोगको प्रतिवेदन कार्यान्वयनको माग गर्दै दायर रिट दरपिठ (दर्ता अस्वीकार) गरेको छ ।

अधिवक्ता डा. प्रेमराज सिलवालले असार ४ गते रिट दायर गरेका थिए । सर्वोच्च प्रशासनले असार १५ मा दरपिठ गरिदिएको हो । दरपिठविरुद्ध अधिवक्ता सिलवाल निवेदन लिएर गएका छन् । उनको निवेदन बिहीबार इजलाससमक्ष पेस हुने अधिवक्ता सिलवालले बाह्रखरी लाई जानकारी दिए ।