घरायसी सामान ल्याउने सर्वसाधारणलाई दुःख नदिइने, तस्करीविरूद्ध निर्मम हुने सरकारको नीति

काठमाडौँ। अर्थमन्त्री डा. स्वर्णिम वाग्लेले सीमावर्ती क्षेत्रका सर्वसाधारणलाई घरायसी प्रयोजनका सामान ल्याउँदा अनावश्यक दुःख नदिने, तर सङ्गठित तस्करी र राजस्व चुहावटविरुद्ध सरकार निर्मम रूपमा प्रस्तुत हुने बताएका छन्।

बिहीबार राष्ट्रिय स्वतन्त्र पार्टी (रास्वपा) पार्टी मुख्यालय वनस्थलीमा आयोजित ‘नागरिक, नीति र नेतृत्व’ विषयक अन्तर्क्रियामा बोल्दै अर्थमन्त्री वाग्लेले सीमामा खटिएका सुरक्षाकर्मीलाई सिधासाधा नागरिक र तस्करीमा संलग्न व्यक्तिबिच फरक छुट्याएर व्यवहार गर्न निर्देशन दिइएको बताए।