आफ्ना लागि ३० लाख धरौटी बसिदिएका मनोहरलाई रविले बनाए रास्वपा कोषाध्यक्ष

काठमाडौं- राष्ट्रिय स्वतन्त्र पार्टी (रास्वपा)का सभापति रवि लामिछानेले आफ्नो सहकारी ठगी मुद्दामा ३० लाख रुपैयाँ धरौटी जमानत बसिदिएका डा. मनोहर प्रधानलाई पार्टीको कोषाध्यक्ष बनाएका छन्।

शुक्रबार काठमाडौंमा बसेको रास्वपा केन्द्रीय समिति बैठकमार्फत् रविले गृहजिल्ला चितवनका प्रधानलाई कोषाध्यक्षमा मनोनीत गरेका हुन्। बुटवलस्थित सुप्रिम बचत तथा ऋण सहकारीको रकम अपचलनसम्बन्धी मुद्दामा लामिछाने थुनामुक्त हुँदा प्रधानले २०८२ साउनमा ३० लाख रुपैयाँको जमानत दिएका थिए।