फोहोर व्यवस्थापनमा बालेन : मेयर नहुँदै अनेक तर्क सुनाए, प्रधानमन्त्री भएपछि बिर्सिए

५ भदौ, काठमाडौं । धुनिबेंसी नगरपालिका-१ स्थित बञ्चरेडाँडाका स्थनीयबासीको कानमा साढे चार वर्ष अघि काठमाडौं महानगरपालिकाका तत्कालीन मेयर बालेन शाहको अभिव्यक्ति अहिलेसम्म पनि गुञ्जिरहन्छ।

‘ए बाबा म मेयर भएको १७ वर्ष भएको छैन, चार दिन मात्रै भएको छ । १७ वर्षको कुरा म माथि लागु हुन्छ त ? तपाईंको २० वर्षको कुरा म एक्लैमाथि लादेर हुन्छ त ?,’ बालेन बञ्चरेडाँडा पुगेर स्थानीयसँग भनेका थिए, ‘मलाई यहाँ काम गर्न दिनपर्‍यो नि। मलाई काम गर्न दिनुभयो भने काम हुन्छ । म स्वतन्त्र व्यक्ति हो । मलाई कुनै पनि पार्टीको केही पनि लाग्दैन। अघि सोध्नुभयो साँठगाँठ ! मैले साँठगाँठ गर्नुपर्दैन है हजुर । …म महिनाको साढे तीन लाख तलब खाने मान्छे हो । यो कुरा सबैले बुझिदिनुपर्‍यो।’