वार्सले शपथ नलिएसम्म फेडरल रिजर्भको अन्तरिम अध्यक्षमा पावेल नियुक्त

काठमाडौँ । अमेरिकी केन्द्रीय बैंक, फेडरल रिजर्भ बोर्डले जेरोम पावेललाई अन्तरिम अध्यक्ष नियुक्त गरेको छ। नवनियुक्त अध्यक्ष केभिन वार्सले पदको शपथ ग्रहण नगरेसम्म पावेलले सो जिम्मेवारी सम्हाल्ने फेडले शुक्रबार जानकारी दिएको हो।

पावेलको फेड अध्यक्षका रूपमा दोस्रो चार वर्षे कार्यकाल शुक्रबार नै औपचारिक रूपमा समाप्त हुँदैछ। उनका उत्तराधिकारीका रूपमा केभिन वार्सको नाम दुई दिनअघि मात्र अमेरिकी सिनेटबाट अनुमोदन भएको थियो।