योजनाको प्रगति पेस गर्न निर्देशन

बागमती प्रदेश सभा अन्तर्गतको शिक्षा, स्वास्थ्य तथा कृषि समितिले बागमती प्रदेश सरकारलाई सरकारी लगानीका योजनाको अवस्था र प्रगतिबारे विवरण पेस गर्न निर्देशन दिएको छ ।

समितिको प्रदेश सभा सचिवालयमा बसेको बैठकले समिति अन्तर्गतका स्वास्थ्य, सामाजिक, कृषि तथा पशुपन्छी विकासलगायतका मन्त्रालय र अन्तर्गतका निकायलाई प्रगति पेस गर्न निर्देशन दिएको हो । कार्यान्वयन भएका प्रमुख आयोजना, परियोजना, कार्यक्रमको अवस्था, लगानी रकम, सम्पन्न भए÷नभएको, प्रतिफलको अवस्था जानकारी गराउन भनेको छ ।