‍कोशी, बागमती, गण्डकीका केही स्थानमा भारी वर्षाको सम्भावना

काठमाडौं– देशभर मनसुनी वायुको प्रभाव कायमै रहँदा शनिबार देशका अधिकांश भूभागमा बदली रहने र विभिन्न स्थानमा वर्षा हुने जल तथा मौसम विज्ञान विभागले जनाएको छ।

विभागको मौसम पूर्वानुमान महाशाखाका अनुसार हाल मनसुनको न्यून चापीय रेखा सरदर स्थान आसपास रहेको छ। शनिबार बिहान देशभर सामान्यतया बदली रहेको छ। कोशी, बागमती र गण्डकी प्रदेशका थोरै स्थान तथा लुम्बिनी प्रदेशका एक–दुई स्थानमा मेघगर्जन र चट्याङसहित हल्कादेखि मध्यम वर्षा भइरहेको छ।