सप्तरीमा तस्करलाई पक्राउ गरेर छोडेको आरोप लागेका सईको जिम्मेवारी खोसियो

६ भदौ, सप्तरी । सप्तरीमा सामानसहित पक्राउ परेका तस्करहरूलाई प्रहरी कार्यालयबाटै छाडेपछि विवादमा परेका इलाका प्रहरी कार्यालय बोदेबरसाईनका कार्यालय प्रमुख प्रहरी नायब निरीक्षक (सई) शिवशंकर शर्माको जिम्मेवारी खोसिएको छ ।

सई शर्मालाई शुक्रबार नै जिल्ला तानिएको हो । गत साउन १८ गते बोदेबरसाइन नगरपालिका–५ स्थित बोदेबरसाइन गाउँबाट अपराह्न करिब ३:३० बजे भारतबाट भन्सार छली गरी ल्याइएको मोबाइल पार्टस, मोटरसाइकल सामानसहित भरिया सुनिल मण्डललाई स्थानीयको सहयोगमा प्रहरीले नियन्त्रणमा लिएर इलाका प्रहरी कार्यालय बोदेबरसाइनमा ल्याएको थियो ।