क्रिभी रिहमा रुसी ड्रोनको दोहोरो हमला : मृतक १६, घाइते १३०

काठमाडौं ।

युक्रेनका राष्ट्रपति भोलोदिमिर जेलेन्स्कीको गृहनगर क्रिभी रिहस्थित एक व्यस्त सपिङ सेन्टरमा रुसी ड्रोनबाट गरिएको दोहोरो आक्रमणमा कम्तीमा १६ जनाको मृत्यु भएको छ भने १३० जना घाइते भएका छन्। पछिल्लो विवरणअनुसार घाइतेमध्ये २३ जना बालबालिका छन्। स्थानीय अधिकारीहरूका अनुसार २१ अगस्ट दिउँसो सपिङ सेन्टरमा पहिलो ड्रोन आक्रमण भएको थियो। त्यसपछि उद्धार तथा राहतकर्मीहरू घटनास्थलमा पुगेका बेला करिब आधा घण्टापछि दोस्रो ड्रोन प्रहार गरिएको थियो। युक्रेनी अधिकारीहरूले यसलाई ‘डबल–ट्याप’ आक्रमण भनेका छन्। आक्रमणपछि सपिङ सेन्टरमा भीषण आगलागी भएको थियो।