डङ्की : कहालीलाग्दो बाटोको कथा

नेपाली भाषी धेरै भएका भारतका शहरहरूमा नेपालका पहाडी क्षेत्रबाट ज्याला मजदुरी गर्न थुप्रै नेपालीहरू जान्थे । उनीहरूको दारुण अवस्थाले उपन्यासकार लीलबहादुर क्षेत्रीलाई ‘बसाइँ’ लेख्न प्रेरित गरेको थियो । ‘बसाइँ’ प्रकाशित भएको ७० वर्षपछि अमेरिका बसोबास गर्दै आएका वनविज्ञ डा. चन्द्र गिरीले पनि बसाइँ हिँड्नेहरूकै कथालाई उपन्यासमा उतारेका छन् ।

कुनै सन्दर्भमा कोलम्बियाको सीमान्त शहर नोकोक्ली पुगेका गिरीलाई अमेरिका जान हिँडेका आप्रवासीहरूको दारुण अवस्थाले आघात पारेपछि ‘डङ्की : सपनाको कालबाटो’ तयार भएको हो ।