पोखरा–दुबई उडान सुनिश्चित, आउँदो भदौ ७ देखि दैनिक उडान

काठमाडौँ- फ्लाई दुबईले आउँदो भदौ ७ (२३ सेप्टेम्बर) देखि पोखराबाट दैनिक उडान गर्ने भएको छ। पोखराका मेयर धनराज आचार्यका अनुसार नेपाल नागरिक उड्डयन प्राधिकरणले फ्लाइ दुबईलाई उडानका लागि अनुमति दिएको छ।

फ्लाइ दुबईले १६७ सिट क्षमताको बोइङ ७३७ जहाजमार्फत् पोखराबाट दुबई अन्तर्राष्ट्रिय विमानस्थलमा अवतरण गर्नेछ। पोखरामा साँझ सवा ६ बजे अवतरण गर्ने जहाज सवा ७ बजे दुबईका लागि उड्ने छ। यो यात्रा करिब ५ घण्टाको हुने नागरिक उड्डयन प्राधिकरणले जनाएको छ।