कांग्रेसका मतभेद पार्टी कार्यालयमै संवादबाट समाधान गर्नुपर्छ : उपसभापति शर्मा

काठमाडौं – नेपाली कांग्रेसका उपसभापति विश्वप्रकाश शर्माले पार्टीभित्र देखिएका समस्या र मतभेदको समाधान अदालतको ढोकाबाट नभई पार्टी कार्यालयमै बसेर संवादमार्फत खोजिनुपर्ने बताएका छन् ।

शनिबार कांग्रेसले आयोजना गरेको ‘ग्रीन रन’ कार्यक्रमको उद्‌घाटन गर्दै उपसभापति शर्माले पार्टीभित्रका असमझदारीलाई संवाद र सहमतिका माध्यमबाट समाधान गर्नुपर्नेमा जोड दिए।