१० दिनभित्र विवरण अद्यावधिक र पोर्टफोलियो कायम गर्न बिमा सर्भेयरलाई प्राधिकरणको निर्देशन

काठमाडौं। नेपाल बिमा प्राधिकरणले सम्पूर्ण इजाजतपत्र प्राप्त बिमा सर्भेयरहरूलाई १० दिनभित्र आफ्नो व्यक्तिगत विवरण (केवाईसी) अद्यावधिक गर्न र इजाजतपत्रको पोर्टफोलियो कायम गर्न निर्देशन दिएको छ।

प्राधिकरणले बुधबार एक सूचना जारी गर्दै बिमा ऐन, २०७९ तथा बिमा सर्भेयर निर्देशन, २०८३ बमोजिम यो अनिवार्य व्यवस्था लागु गरेको हो। नयाँ नियमअनुसार सबै सर्भेयरले आईआरएमआईएस प्रणालीमा लगइन गरी स्पष्ट बुझिने कागजातसहित आफ्नो व्यक्तिगत विवरण अपलोड गर्नुपर्नेछ।