पुरुषोत्तम महिना शुरू, मत्स्यनारायणमा बिहानैदेखि भक्तजनको घुइँचो

काठमाडौँ । आजदेखि पुरुषोत्तम महिना (अधिकमास) शुरू भएसँगै राजधानीको दक्षिण-पश्चिम भेगमा अवस्थित मत्स्यनारायण मन्दिरमा बिहानैदेखि दर्शनार्थीहरूको ठूलो घुइँचो लागेको छ।

चन्द्रागिरी नगरपालिका–९ मा रहेको यस ऐतिहासिक मन्दिरमा हरेक तीन वर्षमा पर्ने अधिकमासको अवधिभर अर्थात् एक महिनासम्म परम्परागत मेला लाग्ने गर्दछ, जसलाई 'मत्स्यनारायण मेला' भनिन्छ।