सिडियोको चरम लापरबाहीले बालिका गरिमा चौधरीको हत्या भयो :  रन्जु साह

काठमाडौँ । आम जनता पार्टी (आजपा) निकटको आम महिला मोर्चाले बाराका सुरक्षा प्रमुखहरूलाई निलम्बन गरेर गरिमा चौधरी प्रकरणमा अनुसन्धान गर्नुपर्ने माग गरेको छ । मोर्चाले सुरक्षा निकायका प्रमुख सिडियो, प्रहरी प्रमुखमाथि पनि अनुसन्धान गरी कारबाही गर्नुपर्ने माग गरेको छ ।

मोर्चाका इन्चार्ज रन्जुकुमारी साहले आज प्रेस विज्ञप्ति जारी जारी यस्तो माग गरेकी हुन् । बाराको जीतपुरसिमरा उपमहानगरपालिका–१ भक्तिनगर टोलकी ३ बर्षीया बालिका गरिमा चौधरीलाई बलात्कारपछि गरिएको निर्मम र अमानवीय हत्या प्रकरणमा बाराका सुरक्षा निकाय पनि दोषी रहेको मोर्चाको ठहर छ ।