भाडा तिर्न नसकेपछि डोजर चलेकै ठाउँमा फर्किए सुकुम्बासी

घर भत्काइयो, बस्ती हटाइयो, बस्ने ठाउँ खोज्न भनियो। तर, न सरकारले जग्गा दियो, न अस्थायी आवासको व्यवस्था गर्‍यो। घरभाडा तिर्न नसकेपछि कोहलपुर–११ शान्तिनगरका विस्थापित परिवार फेरि त्यही ठाउँमा फर्किएका छन्, जहाँ केही समयअघि नगरपालिकाले डोजर चलाएर उनीहरूको घरटहरा भत्काएको थियो।

शनिबार बिहानैदेखि शान्तिनगरमा फेरि त्रिपाल टाँगिन थाले। डोजरले खाली गराएको क्षेत्रमा विस्थापित परिवारले त्रिपाल गाडेर अस्थायी बसोबास सुरु गरेका छन्।