पानी परेपछि घरमा बस्न डर, छिमेकीको आश्रयमा रात काट्दै बैतडीका पहिरोपीडित

बैतडी । आकाशमा बादल लाग्नासाथ बैतडीको सुर्नया गाउँपालिका–८ रातापानीका बासिन्दामा त्रास बढ्छ। वर्षा सुरु भएपछि उनीहरू आफ्नै घरमा बस्न सक्ने अवस्था छैन। पहिरोको जोखिमका कारण रात बिताउन छिमेकीको घरमा आश्रय लिनुपर्ने बाध्यता छ।

स्थानीय मिना बोहराका लागि वर्षा राहत होइन, डर लिएर आउने मौसम बनेको छ। गत वर्ष पहिरोले उनको खेत बगायो। यस वर्ष पहिरो घरतर्फ बढेपछि परिवारको सुरक्षाको चिन्ता थपिएको छ।