म्यानमारको गुम्बामा हवाई आक्रमण : ध्यान गरिरहेका १४ जनाको मृत्यु

म्यानमारको एक बौद्ध गुम्बामा हवाई आक्रमण हुँदा १४ जनाको मृत्यु भएको छ। मानिसहरू ध्यानका लागि भेला भइरहेको समयमा सेनाले गरेको हवाई आक्रमणमा उनीहरूको ज्यान गएको विद्रोही लडाकुहरूले बताएका छन्।

घटना मध्य सागिङ क्षेत्रको म्याउङ नगरमा भएको हो। बिहानको समयमा भएको आक्रमणमा परी ११ पुरुष र ३ महिलाको मृत्यु भएको छ। उनीहरू ५० देखि ७० वर्ष उमेर समूहका थिए।