मंसिर कटाएर महाधिवेशन गर्ने सुविधा छैन, सर्वोच्चले कांग्रेसको वैधानिकता ख्याल गर्नेछ: शर्मा

नेपाली कांग्रेसका उपसभापति विश्वप्रकाश शर्माले पार्टीको वैधानिकतामा असर नपर्ने गरी सर्वोच्च अदालतबाट फैसला आउनेमा आफू पूर्ण विश्वस्त रहेको बताएका छन्।

शनिबार नेता प्रदीप गिरीको स्मृतिमा आयोजित कार्यक्रमलाई सम्बोधन गर्दै उपसभापति शर्माले मंसिरभित्र महाधिवेशन सम्पन्न नगरे कांग्रेसको वैधानिकता नै संकटमा पर्ने भएकाले अदालतले फैसला लेख्दा यस विषयलाई विचार गर्ने विश्वास व्यक्त गरेका छन्।