अस्पतालमा नयाँ मेसुको प्रवेशसँगै खैलाबैला : तीन चिकित्सकको राजीनामा

सदरमुकामस्थित सरकारी उदयपुर जिल्ला अस्पतालमा नयाँ हाकिम आएपछि खैलाबैला मच्चिएको छ।

साउन २५ गते नवौँ तहका डा. सन्तोष राई नयाँ मेसु (मेडिकल सुपरिटेन्डेन्ट) का रूपमा हाजिर भएदेखि कर्मचारी वृत्तमा खैलाबैला मच्चिएको अस्पताल स्रोतले जानकारी दिएको छ। सरकारले काजमा खटिएका सबै कर्मचारीलाई फिर्ता गरेसँगै काजमै कार्यरत मेसु डा. वीरेन्द्र मण्डल सप्तरी तानिएपछि प्रशासनिक भद्रगोल बढेको र अस्पतालको उपचार सेवा प्रभावित हुँदै आएको छ। रिक्त रहेको मेसुमा सरुवा लिएर आएका नवौँ तहका डा. राईले हाजिर भएलगत्तै कर्मचारी प्रशासनमा कडाइ गर्नुले तनाव सुरु भएको हो। डा. राई सरुवा भएर आएलगत्तै कर्मचारी बैठक राखेर अस्पताल सुधारको योजना बनाउने बताएका थिए।