ढुक्क हुनुहोस्, लालपुर्जा पाउनुपर्ने सबैले पाउनुहुन्छ : मन्त्री रावल

भूमि व्यवस्था, सहकारी, संघीय मामिला तथा सामान्य प्रशासनमन्त्री प्रतिभा रावलले नेताहरूलाई स्वागत गर्न र खादा लगाउन हतार नगर्न आग्रह गरेकी छन्।

सुदूरपश्चिम भ्रमणमा रहेकी उनले नागरिकहरूको समस्या समाधान नभएसम्म सम्मान लिन नचाहने स्पष्ट पारेकी हुन्। शनिबार एक कार्यक्रममा बोल्दै मन्त्री रावलले भनिन्, ‘किन उभिएको, हामीले तपाईंलाई सम्मान गरेको हो, बस्नुपर्छ भन्दै हुनुहुन्थ्यो। कहिलेकाहीँ कमीकमजोरी हामी पनि गर्छौं। के तपाईंहरूकोमा जति पनि मन्त्री, जति पनि नेताहरू आउनुहुन्छ, अबिर खादा लगाइदिन हतार नगर्नुहोस्। उहाँहरूलाई सम्मान दिन हतार नगर्नुहोस्, समस्या समाधान गरेर आएपछि म तपाईंहरूको अबिर खादा लगाउँछु।’