इराकी ट्याङ्करहरूलाई हर्मुज जलमार्ग पार गर्ने अनुमति

काठमाडौँ । बगदादको बारम्बार अनुरोधपछि तेहरानले केही इराकी तेल ट्याङ्करहरूलाई रणनीतिक हर्मुज जलमार्ग पार गर्न अनुमति दिएको इरानी मिडियाले शनिबार जानकारी गराएका छन् ।

“संयुक्त राज्य अमेरिकाका शत्रुतापूर्ण कार्यहरूका कारण जलमार्गमा सिर्जना भएको सबैभन्दा कडा सैन्य उपाय र असुरक्षाको सामना गर्दागर्दै पनि तेहरानले विगत छ महिनामा केही इराकी तेल ट्याङ्करहरूलाई हर्मुज जलमार्ग पार गर्न अनुमति दिएको छ,” इरानी समाचार संस्था इर्नाले जनाएको छ ।