२० वर्ष पूरा भएका अविवाहित छोरीका अभिभावकलाई सम्मान, छोरीलाई प्रोत्साहन रकम

जनकपुरधाम । धनुषाको धनौजी गाउँपालिकाले २० वर्ष उमेर पूरा भएर पनि अविवाहित रहेका छोरीहरूको उच्च शिक्षालाई प्रोत्साहन गर्न नयाँ योजना अघि सारेको छ। आगामी आर्थिक वर्ष २०८३/८४ को नीति तथा कार्यक्रममा यस्तो व्यवस्था गर्दै गाउँपालिकाले छोरीहरूलाई शैक्षिक प्रोत्साहन रकम उपलब्ध गराउने र उनीहरूका अभिभावकलाई सम्मान गर्ने घोषणा गरेको हो।

गाउँपालिकाले यस योजनाबाट छोरीहरूको उच्च शिक्षामा पहुँच विस्तार हुनुका साथै बालविवाह न्यूनीकरणमा समेत सहयोग पुग्ने विश्वास गरेको छ।