दुर्गममा प्रशासनिक सेवा विस्तारले कुन्नावासीलाई राहत

नागरिकता बनाउन होस् वा राष्ट्रिय परिचयपत्र । सरकारी कागजात प्रमाणीकरण गर्न होस् वा अन्य प्रशासनिक काम । बाजुराको पूर्वी–उत्तरी भेगका नागरिकलाई वर्षौंदेखि यी सामान्य काम पनि त्यति सहज थिएनन् ।

“एउटा कागज बनाउनकै लागि सदरमुकाम मार्तडीसम्म पुग्नुपर्ने बाध्यता थियो । जहाँ पुग्न कम्तीमा रु १० हजारदेखि रु १५ हजार खर्च अनि सडकको भरपर्दो सुविधा नहुँदा कतै पैदल त कतै गाडीमा गरी चार–पाँच दिनसम्म समय खर्चिनुपथ्र्यो, अहिले त्यो बाध्यता हटेको छ”, हिमाली गाउँपालिका–६ का दलबहादुर रोकायाले भन्नुभयो । यो भनाइ रोकायाको मात्रै होइन, सिङ्गो कुन्नावासीको हो ।