गरिमा ह*त्या प्रकरण : सरकार र पीडित परिवारबिच तीन बुँदे सहमति (पत्रसहित)

बाराको जितपुरसिमरा उपमहानगरपालिका-१ दसधुरीकी अबोध बालिका गरिमा चौधरीको जघन्य हत्या तथा महिला र बालिकामाथि हुने हिंसाका घटनाप्रति सरकार गम्भीर बनेको छ।

घटनाले समाजमा गम्भीर चिन्ता र आक्रोश पैदा गराएपछि सरकारले विद्यमान कानुनी व्यवस्थालाई थप प्रभावकारी बनाउने प्रतिबद्धता जनाएको छ। गृह मन्त्रालयमा शनिबार राति भएको छलफलमा नेपाल सरकारका प्रतिनिधि र पीडित बालिका गरिमा चौधरीका अभिभावकबिच तीन बुँदे प्रतिबद्धतापत्रमा हस्ताक्षर भएको हो।