ठेकेदारको लापरबाहीले तीन महिनादेखि, दुई सय परिवार खानेपानीबाट वञ्चित

रौतहट । रौतहटको कटहरिया नगरपालिकामा ठेकेदारको लापरबाहीका कारण सयौँ स्थानीय बासिन्दा तीन महिनादेखि खानेपानीको समस्यामा परेका छन्। पुल निर्माणका क्रममा खानेपानीको मुख्य पाइप क्षतिग्रस्त भएपछि कटहरिया–३ छोटका बडेडवा र वडा नम्बर ४ हर्षाहाका करिब दुई सय परिवार नियमित खानेपानी सेवाबाट वञ्चित भएका हुन्।

लामो समयसम्म खानेपानी आपूर्ति अवरुद्ध हुँदा स्थानीयको दैनिकी प्रभावित भएको छ। खानेपानीको वैकल्पिक व्यवस्था गर्न नसक्दा स्थानीय बासिन्दा टाढाका स्रोत तथा अन्य असुरक्षित पानी प्रयोग गर्न बाध्य भएका छन्।