सिरहामा प्राइम टायल्सको नयाँ क्लासिक शोरुम सञ्चालनमा

सिराहा : नेपालको अग्रणी टायल्स ब्रान्ड प्राइम टायल्सले सिरहाको मिर्चैयास्थित पशुपति ट्रेडर्समा आफ्नो नयाँ क्लासिक शोरुम औपचारिक रूपमा सञ्चालनमा ल्याएको छ । आधुनिक डिजाइन, उच्च गुणस्तरका उत्पादन तथा उत्कृष्ट ग्राहक सेवाको उद्देश्यसहित सञ्चालनमा ल्याइएको उक्त शोरुमको उदघाटन प्राइम सेरामिक्सका महाप्रबन्धक प्रदीपकुमार झाको प्रमुख आतिथ्यमा भएको हो ।

उद्घाटन समारोहमा निर्माण व्यवसायी, ठेकेदार, टायल मिस्त्री, स्थानीय उपभोक्ता तथा सञ्चारकर्मीहरूको उल्लेखनीय उपस्थिति थियो । कार्यक्रममा क्षेत्रीय बिक्री प्रमुख विकास सिन्हा, राकेश शाहलगायत कम्पनी टोलीको सहभागिता थियो । शहरोन्मुख क्षेत्रहरूमा तीव्र रूपमा बढिरहेको आवासीय तथा व्यावसायिक भवन निर्माण गतिविधिलाई ध्यानमा राख्दै ग्राहकलाई गुणस्तरीय टायल्स सहज रूपमा उपलब्ध गराउने उद्देश्यले शोरुम विस्तार गरिएको कम्पनीले जनाएको छ ।