स्पेनमा ब्वाँसोसँगै बाँचेका मार्कोसको ८० वर्षको उमेरमा निधन

स्पेनमा ‘सिएरा मोरेनाका ब्वाँसो बालक’ भनेर चिनिएका मार्कोस रोड्रिगेज पन्तोहाको ८० वर्षको उमेरमा निधन भएको छ । उनको बाल्यकालको अधिकांश समय मानिसहरूको सम्पर्कबाट टाढा स्पेनको दुर्गम पहाडी क्षेत्र सिएरा मोरेनामा बितेको थियो । प्रारम्भिक जीवनमा भएको दुःखद घटनापछि परित्यक्त भएका उनी असाधारण रूपमा १२ वर्ष ब्वाँसोहरूको समूहसँगै हुर्किएका थिए ।

पछि रोड्रिगेज मानव समाजमा फर्किए र सन् २००१ मा रान्ते भन्ने सानो बस्तीमा बसोबास गर्न थाले । स्थानीय सरकार सान सिब्राओ दास भिनासका अनुसार गत साता ८० वर्षको उमेरमा उनको त्यहीँ निधन भयो ।