सिमराको जनजीवन सामान्य बन्दै, वीरगञ्ज-पथलैया सडकमा गुड्न थाले गाडी

७ भदौ, बारा । तीन वर्षीया बालिका गरिमा चौधरीको हत्याको विरोधमा गत बुधबारदेखि बन्द रहेको सिमराको सडक आइतबार बिहानदेखि सामान्य अवस्थामा फर्कन थालेको छ ।

वीरगञ्ज–पथलैया सडक खण्डको सिमरा दशधुरे अगाडि सडकमै टेन्ट टाँगेर बुधबार बिहानदेखि स्थानीयबासी र मृतकका परिवारले गरेको आन्दोलनका कार्यक्रम शनिबार रातिदेखि फिर्ता भएपछि आइतबार बिहानैदेखि गाडीहरू चल्न थालेका छन् ।