इन्धनको मूल्य घटेसँगै आन्तरिक हवाई यात्रुका लागि नयाँ भाडादर लागू

काठमाडौं । हवाई इन्धनको मूल्य घटेपछि नेपालका आन्तरिक उडानको टिकट मूल्य पनि समायोजन गरिएको छ । नेपाल नागरिक उड्डयन प्राधिकरणकाअनुसार फ्युल सरचार्ज (इन्धन शुल्क) घटाइएको छ। नेपाल नागरिक उड्डयन प्राधिकरण (क्यान) ले बुधबार नयाँ फ्युल सरचार्ज दर सार्वजनिक गर्दै भाडा समायोजन गरेको हो ।

प्राधिकरणका अनुसार ट्रंक सेक्टरका लागि इन्धन शुल्क निर्धारण गर्ने आधार मूल्य प्रतिलिटर रु. २६९ बाट घटेर रु. २२९ मा झरेपछि फ्युल सरचार्जमा १४.८७ प्रतिशत (रु. ४०) ले कमी गरिएको हो।