पूर्वी जापानमा ५.९ म्याग्निच्युडको भूकम्प, २३ जना घाइते

टोकियो । पूर्वी जापानमा आइतबार बिहान ५.९ म्याग्निच्युडको भूकम्प गएको छ । भूकम्पका कारण विभिन्न चार प्रिफेक्चरमा कम्तीमा २३ जना घाइते भएका छन् । घाइतेमध्ये अधिकांशको अवस्था सामान्य रहेको अधिकारीहरूले बताएका छन् । भूकम्पपछि सुनामीको खतरा भने नरहेको जनाइएको छ ।

जापान मौसम विज्ञान एजेन्सीका अनुसार स्थानीय समयअनुसार बिहान २ बजे इबाराकी प्रिफेक्चर केन्द्रबिन्दु भएर भूकम्प गएको हो । भूकम्पको गहिराइ केन्द्रबाट करिब ७० किलोमिटर तल रहेको थियो । अमेरिकी भूगर्भ सर्वेक्षण (यूएसजीएस)ले भने भूकम्पको प्रारम्भिक तीव्रता ५.८ म्याग्निच्युड रहेको जनाएको छ ।