रंगशालाको ऋण र राज्यको उपेक्षा

चितवनको भरतपुरमा एउटा अन्तर्राष्ट्रिय क्रिकेट रंगशाला बनाउने सपना देखेर देशभरका नागरिकलाई जोड्दै अभियान थालेका हास्य कलाकार सीताराम कट्टेल ‘धुर्मुस’ अहिले त्यही सपनाको ऋण बोकेर फेरि विदेशिएका छन्। आफ्नै देशमा न्याय पाउने आशासहित दुई महिनाअघि छोरी लिएर नेपाल फर्किएका उनी अन्ततः निराश हुँदै अमेरिका प्रस्थान गरेका हुन्।

देश छाड्नुअघि कट्टेलले आफ्नो आधिकारिक फेसबुक अकाउन्टमार्फत आफ्नो पीडा सार्वजनिक गरे। उनले आफू नेपाल फर्किँदा यसपटक भने राज्यबाट न्याय पाउने, आफ्नै माटोमा दुःख-सुख साट्ने र पहिलेजस्तै नेपा लीलाई हँसाउने ठूलो सपना बोकेको बताएका छन्। तर, दुई महिनासम्म निरन्तर प्रयास गर्दा पनि आफूले राज्यका निकायबाट अपेक्षित सहयोग र न्याय नपाएको उनको गुनासो छ।