भलिबल खेलाडीको संघर्ष र सपनाको तनमनमा भलिबल

फिल्म बुकीमा समावेश तनमनमा भलिबल बोलको गीत सार्वजनिक गरिएको छ। विवश कुमार माझी र मोहन केसीको निर्देशनमा निर्माण भएको फिल्मको गीतले भलिबल खेलाडीको संघर्ष, समर्पण र देश चिनाउने सपनाको कथा बुनेको छ।

भलिबलकै विषयमा केन्द्रित भएर तयार पारिएको सम्भवतः यो पहिलो नेपाली गीत हो। मोहन केसीको शब्द तथा दीपक शर्माको संगीत रहेको गीतमा प्रमोद खरेल र रचना रिमालले स्वर दिएका छन्। भलिबलका लागि आप्mनो सम्पूर्ण जीवन समर्पित गर्ने खेलाडीको कथा र भावनालाई गीतमा समेटिएको छ। भलिबल खेलेरै देश चिनाउने र आफू पनि चिनिने सपना बोकेका खेलाडीप्रति समर्पित गीतले खेलका लागि गरिने त्याग, तपस्या र निरन्तरको मेहनतलाई प्रस्तुत गरेको छ। यही कारण गीतलाई भलिबलको राष्ट्रिय गीतका रूपमा स्थापित गर्न सकिने सम्भावनासमेत देखिएको छ।