सय वर्ष पुरानो पलिया रेलवे स्टेशनलाई स्तरोन्नति गर्न माग, रेलवे लाइन ब्रोडगेजमा विस्तार गर्नुपर्ने सुझाव

लखिमपुर खिरी, भारत, ।

भारतको उत्तर प्रदेशस्थित लखिमपुर जिल्लामा रहेको करिब सय वर्ष पुरानो ऐतिहासिक पलिया रेलवे स्टेशनलाई अत्याधुनिक बनाउन र यस खण्डको छोटी लाइन (नेरो गेज) लाई ठूलो लाइन (ब्रोडगेज) मा विस्तार गर्न नेपाल र भारत दुवै देशका नागरिकहरूले जोडदार माग गरेका छन्। नेपालको धनगढीदेखि करिब ४० किलोमिटर दूरीमा रहेको यो रेलवे स्टेशनबाट पूर्वमा नानपारा, गोण्डा हुँदै गोरखपुर र पश्चिम–दक्षिणमा मैलानी भएर लखनऊ, बरेली तथा हल्द्वानी जोड्ने यो पुरानो रेलवे लाइन समयमै स्तरोन्नति नहुँदा हाल रेलको संख्या निकै न्यून छ, जसले गर्दा सीमावर्ती दुवै देशका बासिन्दाले आवतजावत र मालसामान ढुवानीमा ठूलो सास्ती खेप्नुपरेको छ ।