जापानमा न्यूनतम ज्याला बढाएर युवा पलायन रोक्ने प्रयास : व्यापारी भने चिन्तित

जापानमा कामदारको अभाव बढ्दै गएपछि युवाहरूलाई आफ्नै क्षेत्रमा रोक्ने उद्देश्यले विभिन्न प्रान्तले न्यूनतम ज्याला बढाउने प्रतिस्पर्धा सुरु गरेका छन्। तर ज्याला बढ्दा व्यवसायको श्रम लागत पनि बढ्ने भएकाले व्यापारी र साना तथा मध्यम व्यवसाय भने चिन्तित बनेका छन्।

उत्तरपूर्वी जापानको आकिता प्रान्त लामो समयदेखि देशमै सबैभन्दा कम न्यूनतम ज्याला भएको क्षेत्रमा पर्दै आएको थियो। तर यसपटक आकिताले न्यूनतम ज्याला प्रतिघण्टा ८० येन बढाएपछि सबैभन्दा कम ज्याला भएको स्थानबाट माथि उठेको छ। यद्यपि, अचानक ठुलो रकममा ज्याला बढाउने निर्णयले व्यवसायी असन्तुष्ट भएपछि नयाँ दर लागू गर्ने समय करिब छ महिना पछि सारिएको छ।