बर्दियामा मण्डला थिएटरले नि:शुल्क डकुमेन्ट्री थिएटर कार्यशाला गर्ने

७ भदौ, काठमाडौं । सशस्त्र द्वन्द्वका क्रममा बेपत्ता पारिएका नागरिकहरूका कथा, स्मृति र इतिहासलाई रंगमञ्चमार्फत प्रस्तुत गर्न बर्दियामा दुई हप्ता लामो आवासीय डकुमेन्ट्री थिएटर कार्यशाला आयोजना हुने भएको छ । मण्डला थिएटर नेपालले बर्दियास्थित बेपत्ता नागरिक स्मृति पार्कसँगको सहकार्य तथा सिभिल पिस सर्भिसको सहयोगमा उक्त कार्यशाला आयोजना गर्न लागेको हो ।

आगामी ११ असोजदेखि २२ गतेसम्म चल्ने उक्त कार्यशालामा काठमाडौंबाट ६ जना र बर्दियाबाट १४ जना गरी कुल २० जना सहभागीहरूलाई समावेश गराइनेछ । कार्यशालाका लागि इच्छुक रंगकर्मी, नागरिक अभियान्ता तथा बेपत्ता पारिएका व्यक्तिका परिवार एवं प्रभावित समुदायका सदस्यहरूबाट आवेदन आह्वान गरिएको छ ।