राजनीतिक प्रणाली जोगिए मात्रै व्यवसाय सुरक्षित हुन्छ :  विमलेन्द्र निधि

जनकपुर । नेपाली कांग्रेसका नेता विमलेन्द्र निधिले देशको वर्तमान संघीय लोकतान्त्रिक गणतन्त्रात्मक प्रणाली र संविधानको रक्षाका लागि व्यवसायीहरूको सक्रियता आवश्यक रहेको बताएका छन् ।

जनकपुरधाम सुनचाँदी व्यवसायी सङ्घको नवनिर्वाचित पदाधिकारीहरूको पद हस्तान्तरण कार्यक्रमलाई सम्बोधन गर्दै उनले यस्तो बताएका हुन् । नेता निधिले नेपाली जनताको लामो सङ्घर्ष र दुई पटकको संविधानसभा निर्वाचनबाट प्राप्त सङ्घीय संरचना र संविधानमाथि अहिले विभिन्न पक्षबाट प्रहार भइरहेको भन्दै चिन्ता व्यक्त गरे ।