खोकीलाई सामान्य ठान्दा क्षयरोगको जोखिम

लामो समयसम्म खोकी लागिरहेको छ ? तौल घट्ने राति पसिना आउनुका साथै ज्वरो आउने र कमजोरी महसुस भइरहेको छ भने सामान्य नठान्नुहोस्। यी लक्षणहरू क्षयरोगका पनि हुन सक्छन्। धेरै मानिसले यस्ता लक्षणलाई सामान्य रुघाखोकी, मौसम परिवर्तन वा अन्य कारणसँग जोडेर बेवास्ता गर्ने गर्छन्।

यही बेवास्ताले रोग पहिचानमा ढिलाइ हुन्छ। बिरामीबाट परिवार तथा समुदायका अन्य व्यक्तिमा संक्रमण फैलिने जोखिम बढाउँछ। त्यसैले दुई साताभन्दा बढी समयसम्म खोकी लागिरहेमा परीक्षण गराउनुपर्छ। समयमै परीक्षण र उपचार गर्दा निको हुन्छ।