बाढीले खेत खोस्यो, काँसले जीवन फेर्‍यो

७ भदौ, माडी (चितवन) । चितवनको डाग्रे खोलामा ठूलो बाढी आएको २४ वर्ष भयो । २०५९ को भदौमा आएको बाढीले चितवन गर्दी-१ की हिरामती चौधरीको खेतमा लहलहाएको धान मात्र बगाएन, घरको भकारीमा थन्क्याएको अन्न पनि सखाप पारिदियो।

भदौरे बाढीको पीडा सेलाउन नपाउँदै असोजमा फेरि अर्को बाढी आयो। काटेर गरामा सुकाउन राखेको धानसमेत बाढीले बगाएपछि केही दिन उनी हिलाम्मे मुठा खोज्दै छाक टार्न बाध्य भइन्।