तिसा शाक्य बनिन् मिस नेवाः ११४६

काठमडौं । तिसा शाक्य मिस नेवाः ११४६ बनेकी छिन् । शनिबार काठमाडौंस्थित नेपाल प्रज्ञा प्रतिष्ठानमा आयोजित मिस नेवाः प्रतियोगिताको १९औँ संस्करणमा शाक्य उत्कृष्ट प्रतियोगीका रूपमा छनोट भएकी हुन् । प्रतियोगितामा सारिका महर्जन फस्ट रनरअप र जेसिका श्रेष्ठ सेकेन्ड रनरअप घोषित भए ।

नेपलिज फेसन हाउस (एनएफएच) इभेन्ट्सको आयोजनामा सम्पन्न प्रतियोगितामा १७ जना युवतीको सहभागिता रहेको थियो । आयोजकका अनुसार सहभागीहरूलाई प्रतियोगिताअघि दुई महिनासम्म विभिन्न विषयमा तालिम प्रदान गरिएको थियो । तालिममा व्यक्तित्व विकास, नेपाल भाषा, संस्कृति, कला, मौलिकता तथा प्रस्तुतीकरणलगायत विषय समेटिएका थिए ।