बाढीबाट प्रभावित नागरिकका लागि १६ हजार ६ सय किलो तरकारी पठाइयो

काठमाडौँ- भोटेकोशी नदीमा आएको भीषण बाढीबाट प्रभावित नागरिकका लागि १६ हजार ६ सय किलो तरकारी पठाइएको छ। कालिमाटी फलफूल तथा तरकारी बजार विकास समितिले भदौ १३ देखि १५ गतेसम्म सो तरकारी प्रभावित नागरिकलाई पठाएको हो।

भदौ १३ गते त्रिशूलीका लागि ५ हजार किलो हरियो तरकारी पठाइएको कृषि मन्त्रालयले जनाएको छ। भदौ १४ गते त्रिशूलीका लागि २ हजार ५ सय किलो सिमी, भेडे खुर्सानी, बन्दा, प्याज र आलु पठाइएको थियो। सोही दिन धादिङका लागि २ हजार ८ सय किलो हरियो तरकारी पठाइएको थियो ।