उज्वेकिस्तानको चिकित्सा शिक्षामा चम्किदै नेपाली युवा डा. किसन भण्डारी

काठमाडौं । उज्वेकिस्तानको चिकित्सा शास्त्र (मेडिसिन) शिक्षामा उच्च पदमा पुगेर योगदान दिइरहेका डा। किशन भण्डारीले अर्को ठूलो सफलता हात पारेका छन् । उज्वेकिस्तानको ’एसिया इन्टरनेसनल युनिभर्सिटीको चिकित्सा, सूचना प्रविधि तथा व्यापार र व्यवस्थापनलगायतका विभिन्न शैक्षिक कार्यक्रमहरूको डिनकोरुपमा नेतृत्व गर्दै आएका भण्डारीलाई युनिभर्सिटीले भाइस – रेक्टरमा बढुवा गरेको छ ।

काठमाडौंको बौद्धका डा. भण्डारीले नेपालमा कक्षा १२ को पढाइ पूरा गरेपछि सन् २००९ मा रुसमा चिकित्साशास्त्र ( मेडिसिन० अध्ययन गर्न छात्रवृत्ति प्राप्त गरेका थिए । उनले आफ्नो एमबीबीएस अध्ययन पूरा गरेपछि कीर्गिस्तान गएर थप अध्ययन गर्ने अवसर पाएका थिए । जहाँ धेरै नेपाली विद्यार्थीहरू स्नातकोत्तर तहको चिकित्सा शिक्षा हासिल गर्न पुग्ने गरेका छन् ।