मेमोरी चिपको संकट : अमेजनले बढायो ग्याजेटहरूको मूल्य, अरु के-केमा पर्नेछ प्रभाव ?

कृत्रिम बौद्धिकताको विकास र डाटा सेन्टरहरूको बढ्दो मागका कारण विश्वभर मेमोरी चिप्सको चरम अभाव (मेमोरी क्रन्च) देखिएको छ, जसको सीधा असर आम उपभोक्तामा पर्न थालेको छ ।

यही कारण देखाउँदै अमेजनले आफ्ना विभिन्न लोकप्रिय इलेक्ट्रोनिक्स उपकरणहरूको मूल्यमा भारी बृद्धि गरेको छ । अमेजनले इको स्पिकर, फायर टिभी, किन्डल ई–रिडर र इरो राउटरजस्ता डिभाइसहरूको मूल्य रातारात बढाएको छ, जसमा केही उत्पादनहरूको मूल्य ६० प्रतिशतसम्मले बढेको हो ।