१४औं दक्षिण एसियाली खेलकुद चैत २० देखि २८ सम्म

पाकिस्तानमा तय १४औं दक्षिण एसियाली खेलकुद आगामी चैत २० देखि २८ सम्म हुने भएको छ। पाकिस्तानको इस्लामाबादमा सम्पन्न दक्षिण एसियाली ओलम्पिक काउन्सिल (एसएओसी) को बैठकले उक्त निर्णय गरेका राष्ट्रिय खेलकुद परिषद् (राखेप) ले उल्लेख गरेको छ। बैठकले प्रतियोगिताको मिति सर्वसम्मत रूपमा अनुमोदन गरेको हो।

१४औं दक्षिण एसियाली खेलकुद (साग) पाकिस्तानका विभिन्न सहरमा सञ्चालन हुनेछ। आवश्यक परे सञ्चालन तथा व्यवस्थापनका कारण एक सातासम्म समय समायोजन गर्न सकिने लचकता पनि आयोजकलाई प्रदान गरिएको छ। पाकिस्तानले तेस्रो पटक दक्षिण एसियाली खेलकुद आयोजना गर्न लागेको हो।