सरकारमा सहभागी हुने विषयले लुम्बिनीमा नेकपाभित्र चुलियो असन्तुष्टि

बुटवल । लुम्बिनी प्रदेश सरकारमा सहभागी मन्त्रीको नामले सत्तारूढ नेकपाभित्र आन्तरिक असन्तुष्टि चुलिएको छ । केन्द्रमा भएको सहमतिअनुसार एमालेका मुख्यमन्त्री चेतनारायण आचार्यले भदौ १ गते विश्वासको मत लिएपछि नेकपाले प्रदेश सरकारमा आफ्ना मन्त्री पठाउने तयारी गरेको छ ।

नेकपाबाट तीन जना मन्त्रीको नाम सिफारिस भएपछि तत्कालीन नागरिक उन्मुक्ति पार्टी (नाउपा) र नेकपा (एकीकृत समाजवादी)बाट नेकपामा समाहित भएका प्रदेशसभा सदस्यहरू असन्तुष्ट बनेका छन् । सरकार विस्तारमा प्रदेश नेतृत्वले एकलौटी निर्णय गरेको उनीहरूको आरोप छ ।