विद्यार्थी, शिक्षक, अभिभावकको लिखित सुझावपछि शिक्षामन्त्रीले भने- शिक्षा ऐन चाँडै टुंगोमा पुग्छ

काठमाडौँ- शिक्षा तथा खेलकुदमन्त्री सस्मित पोखरेलले विद्यालय शिक्षा ऐन चाँडै टुंगोमा पुग्ने र नयाँ ऐनमार्फत शिक्षा क्षेत्रमा देखिएका धेरै समस्या समाधान हुने विश्वास व्यक्त गरेका छन्।

शिक्षा तथा खेलकुद मन्त्रालयको आयोजना तथा प्रधानाध्यापक संघ, नेपालको संयोजनमा धनगढीमा आयोजित ‘शिक्षा संवाद’ कार्यक्रममा उनले ऐनमा समेट्नुपर्ने विषयमा देशभरबाट सुझाव संकलन भइरहेको बताए।