गाजामा शव गाड्ने ठाउँकै अभाव, एउटै चिहानमा धेरै शव गाड्दै परिवार

इजरायली आक्रमणका क्रममा यसअघि नै उल्लेख्य सङ्ख्यामा चिहानहरू नष्ट भइसकेका छन् भने बाँकी चिहानहरू भरिएका छन्। त्यसैले परिवारहरू अन्य विकल्प खोज्न बाध्य भएका छन्।

गाजाको एन्डोउमेन्ट्स एन्ड रिलिजियस अफेयर्स मन्त्रालयले यसबारे जानकारी दिएको छ। युद्ध सुरु भएयता ४० भन्दा बढी चिहान नष्ट भएका छन्। इजरायली फौजले आफ्नो नियन्त्रणमा रहेका क्षेत्रका चिहानहरूमा जान रोक लगाएको छ। यसले गर्दा शव गाड्ने ठाउँ अझै कम भएको छ।