अपमानजनक हल्ला फैलाउनेलाई कानुनी कठघरामा उभ्याउने गोविन्दाको चेतावनी

निजी जीवनसँग जोडिएका अफवाहहरु अत्याधिक फैलिन थालिएपछि बलिउड अभिनेता गोविन्दाले सूचना जारी गरि कडा कानुनी कदम चाल्ने चेतावनी दिएका छन्। उनले आफ्नो वा परिवारबारे भ्रामक तथा अपमानजनक जानकारी सामाजिक सञ्जालमा फैलाउनेहरूविरुद्ध कानुनी कारबाही गर्ने चेतावनी दिएका छन्।

पत्नी सुनीता आहूजासँग सम्बन्धित विभिन्न कुराकानी तथा पछिल्लो समय अभिनेत्री कोमल रानी स्वर्णकारसँग दोस्रो विवाह गर्ने जस्ता गसिपहरु आउन थालेपछि गोविन्दाले यो कदम चालेका हुन। गोविन्दाको सार्वजनिक सूचनामा आर्टिफिसियल इन्टेलिजेन्स (एआई) प्रयोग गरेर बनाइएका फोटो, भिडियो, अडियो, तस्बिर तथा अन्य सामग्रीको समेत उल्लेख गरिएको छ।