जर्मनीको हारपछि झस्किएका बेल्जियमका कोच : कागजमा मात्र दाबेदार भएर जित सुनिश्चित हुँदैन

सियाटल । जारी विश्वकपमा तुलनात्मक रूपमा कमजोर ठानिएका टोलीहरूलेबलिया ठानिएका टोलीलाई घर पठाइरहेका छन् । जर्मनी र नेदरल्यान्डसलाई विश्वकपको दाबेदार मानिएको थियो, तर उनीहरू राउन्ड अफ ३२ बाटै घर फर्किए । अर्को बलियो टोली उरुग्वेले त समूह चरण नै पार गर्न सकेन ।

विश्वकपमा अनपेक्षित नतिजाहरू आएपछि राउन्ड अफ ३२ को खेलमा बुधवार सेनेगलसँग भिड्नुअघि बेल्जियमका मुख्य प्रशिक्षक रुडी गार्सियाले आफ्नो टोलीलाई सतर्क गराएका छन् । टोली लयमा रहेको र सबै खेलाडीहरू फिट भए पनि नकआउट चरणमा ‘फेभरेट’ (दाबेदार) हुनु नै जितको ग्यारेन्टी नभएको उनले बताएका छन् ।